Laxoa Elkartea

Atzo jokatu ziren final erdietako itzuliko partiduak eta espero bezala, Irurita Migelenek eta Doneztebe The Moment-eko txapelketa guztian erakutsitako sendotasunarekin jarraitu zuten. Joaneko partidan lortutako abantaila baliotu zuten etxean eta biek beren partiduak irabazi zuten. Iruritarrek 9 -3 irabazi zuten eta Doneztebekoek 9 – 7.

Urtero udan gertatzen den bezala, aurten ere gazteen laxoa txapelketa hastear dugu. Aurtengoan lau talde jokatuko dira guztira. Bi talde Doneztebetik eta beste bi Iruritatik. Oso garrantzitsua da txapelketa hau aurrerat eramatea, hemendik aterako baidira etorkizuneko laxolariak!

Asteburu honetan jokatu dira laxoa final erdietako joaneko partiduak. Erran daiteke ezusteko emaitzak izan direla, bai Doneztebe The Moment, bai Irurita Migelenek, garaipenak lortu baidute Arraioz eta Oitz-en. Beraz, bi taldeak itzuliko partidora joanen dira markagailua eta kantxa alde izanda.

Joan den astean jokatu ziren txapelketako final laurdenak, eta dagoeneko, baditugu abuztuak 6an protagonista izanen diren 4 taldeak. Hala ere, oraindik ez dakigu ze talde egonen diren finalean. Horregatik, asteburu honetan eta hurrengo asteburuan, final erdiak jokatuko dira.