Laxoa Elkartea - Web gune ofiziala
Asteburu honetan jokatuko da XLVI. Nafarroako Laxoa Txapelketako ligaxkako azken partida. Errekuperazio jardunaldi honetako neurketan Irurita Migelene eta Oitz A taldeak jokatuko dute nor baino nor.
📍 Partida:
[Read more…] about XLVI. NAFARROAKO LAXOA TXAPELKETA | LIGAXKAKO AZKEN PARTIDA
Asteburu honetan hasiko da XLVI. Nafarroako Laxoa Txapelketa eta igande honetan jokatuko dira txapelketako lehen partidak.
Baztan eta Malerrekako plazak berriz ere Laxoaz beteko dira, eskualdeko jokalari eta taldeekin, aurtengo txapelketari hasiera emanez.
[Read more…] about XLVI. NAFARROAKO LAXOA TXAPELKETA | 1. JARDUNALDIA
Larunbatean jokatu zen aurtengo Baztan Erreka desafioa Arizkungo Lamiarrita auzoan. Partidu ederra izan zen eta oso borrokatua: 1-1, 2-2, 3-3, 4-4, 5-5 eta 5-7. Partidu guztia berdinduta joan zen, baina azken bi jokoak Malerrekakoen alde joan ziren, azkeneko 5-7ko markagailua ezarriz.
Astelehen santu honetan jokatuko da aurtengo Baztan Erreka desafioa. Partidua joan den larunbatean jokatzekoa zen, baino euria dela eta, atzeratu egin behar izan genuen. Ikusirik egun hauetan eguraldia lasaituko dela, astelehenerako itxi dugu partidua.
Udaberriaren hasierarekin eta korrikarekin batera, Laxoa elkarteak ere aurtengo denboraldia hasiko du larunbat honetan. Azken urteetan pasatu den bezala, Baztan – Erreka desafioarekin hasiko dugu urtea. Aurtengoan, Baztanen hasiko dugu, Arizkungo Lamiarrita plazan hain zuzen ere.
Baztango taldea Manu Irigoien, Gorka Urtasun, Oinatz Jauntsarats eta Mikel Sagasetak osatuko dute. Errekako taldea, aldiz, Ioritz Zelaieta, Goio Mindegia, Urko Oyarzabal eta Ion Oyarzabalek osatuko dute. Partidua larunbat honetan izango da, martxoak 28, goizeko 11:30etan. Seguru partidu ederra ikusteko aukera izango dugula.
Plazan ikusiko gara!
