Laxoa Elkartea - Web gune ofiziala
Bederatzigarren jardunaldian sartu da Laxoa Txapelketa.
A multzoan doneztebaren arteko derbian, Apezteguiak 9-6 irabazi zion The Moment taldeari. Azken hauek bertze partidu bat jokatu zuten asteburuan, 8. jardunaldian aritu beharrekoa. Kasu honetan garaipena eta gainera jokoan zeunden hiru puntuak lortu zituzten, Doneztebe Mikeloren aurka 5-9 irabazita.
B multzoan bi norgehiagoka izan ditugu. Oitz Kokoetxea Doneztebe Zarbo.net-i gailendu zaio (9-6), eta Arraioz Sagardia Doneztebe Aviari (9-2).
Euriak pasa den asteburuan jokatu beharreko partidu guztiak zapuztu zituen. Dirudienez, eguraldi hobea etortzen da datorren egunetarako, eta horrekin batera Laxoa bueltatzen da gure plazetara. Hasteko, gaur bertan 18:30etatik aintzin Bear Zanan jokatuko den Doneztebe Mikelo- Doneztebe The Moment norgehiagoka.
Eta asteburuan… gehiago!!
Laxoa txapelketako 6 jardunaldiaren barrenean 5 partidu jokatu dira asteburu honetan.
A multzoan hiru puntuak lortu dituen talde bakarra Doneztebe Apezteguia izan da, Arraioz Zubiondoren aurka 9-3 irabazi ondoren. Baita ere Bear Zana plazan, Doneztebe Mikelo 9-6 nagusitu zen Titi-ren kontra.
Emaitza bera azken txapelketetako talde indartsuenen artean: Irurita Miguelene Doneztebe The Moment-i gailendu zitzaion.
B multzoan garaipen garrantzitsua Doneztebe Zarbo.net-ek lortutakoa Irurita Olariren kontra, emozioz beteriko norgehiagokan (9-8).
Akitzeko, Oitz Kokoetxea momentu zoragarrian dagoela azaldu zuen bertze behin ere, Arraiotzen 4-9 irabaziz Sagardiaren aurka.
Laxoa txapelketak ez du etenik. Nabarmendu Iruritako taldeak lider sendoak direla beraien multzoetan.
Asteburu honetan Errekuperazio jardunaldia jokatu da:
A multzoan Irurita Miguelenek garaipen garbia lortu zuen Arraiotz Zubiondoren aurka (9-1). Aunitzez estuagoa doneztebarren arteko derbia: Mikelok 9-8 irabazi zion Titiri.
B multzoan Doneztebe Aviak ez zuen punturik lortzerik izan, Iruritan 9-5 galdu ondoren Olariren kontra.
Jardunaldia arraroa Aste Santua dela. Hiru partidu bakarrik jokatu zirem, denak ere Doneztebeko Bear Zanan.
A multzoan Doneztebe The Moment-ek joku bakar batez irabazi zuen Mikeloren kontra, norgehiagoka berdindu batean.
B taldean garaipen argiak: Zarbo.net Oitz Kokotxearen aurka (9-3) eta Doneztebe Avia Arraiotzen kontra (9-2).